الناشر :- Electronic Arts
المطور :- Criterion Games
التصنيف :- لعبة سباقات
عدد اللاعبين :- من 1 الى 8 لاعبين
الأجهزة :- XBOX360 + PS3
تقييم اللعبة
IGN = 8.8
Gamespot = 9
تم تصغير الصورة بشكل تلقائي. اضغط هنا لمشاهدة الصورة بحجمها الطبيعي1280x512 and weights 161KB
من افضل ألعاب السيارات , انطلق بسيارتك في ارجاء الخريط الكبيرة المفتوحة بالكامل لك من البداية , انجز المهمات لترقي رخصة قيادتك من كلاس E إلى C إلى B إلى A وفي النهاية تحصل على الرخصة Elite السوداء << طلعتها امس خلصت اللعبة واخذت الرخصة Elite <<<< تراه بيعلمكم انه قوي <<< <<<<<
ماهي المهام التي تنتظرك ؟
السباق Race :-
ببساطة هي مهام سباق بينك وبين 7 سيارات اخرى , المهام موجودة في اكثر من جزء في الخريطة تلقاها على شكل بقع زرقاء , كل ما عليك ان تذهب للبقع هذي وتوقف عليها وتضغط على الزرين RT + LT معاً لتبدأ السباق - تنطلق من النقطة A ومهمتك هي الوصول أولاً الى النقطة B بأي وسيلة كانت وعبر اي طريق تريد ومع الممارسة ستحفظ الخريطة بشكل جيد وتكون حافظ الطرقات لكن بعد ساعات طويلة من اللعب
السيء بها ان الخريطة كبيرة جداً واحياناً تحتاج للتوقف لترى الخريطة وتشوف انسب طريق مختصر للوصول والأرشاد الوحيد اللي يعطونك اياه وقت السباق هو أشارة ضوء السياره لليمين واليسار لتعلم انه الأفضل لك الذهاب للجهة التي تومض وتقدر تطنش الأشارة هذي اذا انت شايف انه فيه طريق انسب لك .
تم تصغير الصورة بشكل تلقائي. اضغط هنا لمشاهدة الصورة بحجمها الطبيعي1280x720 and weights 113KB
التصادم Road Rage :-
مهمتك تكمن انك تنطلق مع سيارات اخرى وتصدمها حتى تتحطم وهناك عدد مطلوب منك في كل سباق مثلاً يطلبون منك تحطيم 6 سيارات وكل ما انجزت سباق تصادم تكتشف انه في المرات القادمة يزداد هذا العدد معك . مثلاً الأن انا يطلبون مني تحطيم 19 سيارة .
تم تصغير الصورة بشكل تلقائي. اضغط هنا لمشاهدة الصورة بحجمها الطبيعي1280x720 and weights 350KB
سباقات البهلوان والحركات الجريئة Stunt :-
السباق هذا فردي لحالك يعني المطلوب منك ان تستعرض بالسياراة يعني تتشقلب بالسيارة عبر اماكن مخصصة زي الرافعات وتفحط وتفلها وتجمع نقاط مهمتك انك تجمع النقاط المطلوبة منك في وقت محدد .
تم تصغير الصورة بشكل تلقائي. اضغط هنا لمشاهدة الصورة بحجمها الطبيعي1280x720 and weights 288KB
السباق العنيف << والله ما عرفت اترجمة وش اسوي
عبارة عن سباق مثل اللي ذكرته انا اول واحد بالظبط , يعني تنطلق للنقطة A ومهمتك تروح للنقطة B لكن ما معك سيارات يتسابقون على النقطة لا
اللي صاير هنا انه بتصير فيه سيارات مهمتها صدمت وصفقك لين تسوي 3 حوادث وبعدين تخسر السباق ومو مهم الوقت اللي تنجز فيه السباق لو بغيت تقعد شهر ما عندك مشكلة لكن السيارات اللي تلاحقك ما راح تخليك بحالك ابد
تم تصغير الصورة بشكل تلقائي. اضغط هنا لمشاهدة الصورة بحجمها الطبيعي1280x720 and weights 230KB
السباقات الخاصة
هذي فيه مناطق بالخريطة فيها سباقات لكن اذا رحت لها قالوا لك معليش يابو مطلوب منك تجيب السيارة الفلانية على شان تخش فيها ذا السباق
بمعنى اصح انه كل مكان من هذي الأماكن المخصصة في الخريطة لها سيارة خاصة على شان تتسابق فيه .
والسباق عبارة انك تنطلق من مكان A الى مكان اخر B لحالك لكن فيه وقت محدد على شان توصل للنقطة المطلوبة .
طيب وش يميز هذا السباق ؟
هذا السباق ميزته انه اذا فزت فيه يعطونك سيارة مطورة من نفس نوعية سيارتك غير انه تحسب لك مهمة من مهمات اللعبة الضرورية للترقية . يعني 2x1
الشوتايم ( Showtime )
هذي عبارة عن سباق تصادم بس موب زي الأول . هذا تشغله من اي مكان في الخريطة وتقعد تصدم في العالم وممكن تقعد شهر وانت تصدم بهم لو كنت قوي لكن اذا خلص التيربو حقك بيوقف الأستعراض .. طبعاً كل ما صفقت لك واحد بيزيد عندك التيربو او البوست والنقاط لكن لو قعدت فترة ما صدمت لك احد يبدا ينقص وخصوصاً مع الحوادث الشنيعة بيطير ربعه حته وحده .
=========
السيارات
السيارات يا طويلين العمر عددها 75 , وقت كتابة ردي هذا طلعت منهن 54 سيارة
السيارات مشكلة فيه سيارات للخطوط والسرعة وفيه سيارات للأستعراض وفيه سيارات قوية للتصديم
تلقاهم كلهم في محلات اسمها ( الجنك يارد ) موزعه في الخريطة تروح هناك وتبدل سيارتك بسهولة
طريقة الحصول على سيارات هي انك تنجز مهام اما انهم يعطونك سيارة شرهه يقولون رح للكراج حقك وبتلقاها فيذاك او يقولون لك در في الخريطة واذا شفت سيارة تشبه الماخوذه هذي اصدمها وحدها وبتصير لك بعدها او تنجز المهمات الخاصة على شان تجيك تطوير السيارة اللي انجزت بها مهمتك
عيب اللعبة انك اذا خلصت مهمة ما تقدر تعيد المهم على طول لا , لازم ترجع للمكان حقه مشي بالسيارة وتبداء السباق من جديد وهذي الصراحة متعبة لأنه الخريطة كبيره بقوه يعني انواع مسك الخطوط
===================
===================
انا انهيت اللعبة امس واللعبة فله الصراحة ودخلت الاون لاين اجربه لأنه من طبعي احب اللعب اوف لاين واذا خلصته دخلت الأون لاين
الأون لاين دخلت روم فيها ناس داجه بقوه بريطانين جاحدين ام المهمات وقاعدين نلاحق بعض ونصدم بعض عاد هم مشغلين الكاميرات حقتهم واذا صدمته انا تطلع لي صوره هو مصورها زي اللي تقولي انك انت صدمت هذا وتنحفظ هذي الصورة عندي في الجهاز على شان ممكن تتفرج عليها بعدين وتشوف أللبوم صور الناس اللي فقعت وجيههم
لكن اللي ضيق صدري واحد من اللي صدمتهم امس مصور نفسه صورة غير لائقة والمشكلة انها صارت في اللبوم صوري وما قدرت اشيلها
=============
=============
الأشيفمنت الخاص باللعبة
http://www.xbox360achievements.org/achievements.php?gameID=292================
سعر اللعبة
نسخة بلاي ستيشن 3 = 270 ريال
نسخة اكس بوكس 360 = 270 ريال
نسخة اكس بوكس 360 كوبي = 20 ريال اذا بيلعب عليك 15 ريال اذا انت زبون انا يبيعني بـ 14 ريال
نسخة التورنت = صفر ريال لكن دبر لك ديفيدي دبل لاير وجهاز ناسخ ديفيدي دبل لير
